وەسێدارەدان کەسیگ وە توومەت کوشتن دوو پاسەوان دارستان لە ئیران

شەفەق نیوز/ دەسەڵاتەیل دادوەری ئیران، لە پارێزگای زەنجان، ئمڕوو دووشەممە، جیوەجیکردن فەرمان وەسێدارەدان لەبان کەسیگ راگەیان وەتوومەت کوشتن دوو پاسەوان دارستان لە نیسان ٢٠٢١.   

سادق نیارکی وەرپرس دەسەڵات دادوەری لە پارێزگاگە وت: فەرمان دادگا لەبان بکوش دوو کەس لە پاسەوانەیل دارسان لە پارێزگای زەنجان جیوەجی کریا. 

وەگورەی ماڵپەڕ "میزان ئۆنلاین" سەروە دادوەری ئیران، 

لە پەنج نیسان ٢٠٢١ کەسەیلیگ لە پاسەوان دارستان کەفتنە شوین کابرایگ لەوەر راوکردن نایاسایی، وپۆلیس توەنست ناسنامسی ئەو کابرا دیاری بکەێد، و بەێدەی دەس لایەنەیل دادوەری. 

ئاژانس "ئیسنا"ی ئیرانی وت: بکوشەگد تەقە لەو دوو پاسەوانە کردیە و هەردوگیان کوشتیە.