وەزارەت ناوخوەی بەریتانیا: رێژەی کووچ نایاسایی ئەرا وڵاتەگە 36% داوەزیان وەخوەی دیە
2024-01-02T09:40:33+00:00
شەفەق نیوز/ وەزارەت ناوخوەی بەریتانیا راگەیان، لەماوەی ساڵ گوزەشتە 2023 کووچ نایاسایی ئەرا وڵاتەگە وە رێژەی 36% کەمەوبویە.
وەزارەت ناوخوەی بەریتانیا لە داتاگان ساڵ 2023 بڵاوکردیە، لە ساڵ 2023 ، لەری بەلەم 29 هەزار و 430 وە شیوەی نایاسایی خوەیان رەساننەس ئەرا بەریتانیا، لە مەوقەیگ لە ساڵ 2022 شمارەگە 45 هەزار و 770 کۆچبەر بوی.
هەر وەپای داتاگان لەساڵ گوزەشتە 112 هەزار داواکەر ماف پەنابەریەتی ئاراستەیان کریایە وە رێژەی 65% ماف پەنابەریەتی وەپیان دریایە.
