وەزیر دەیشت ئەمریکا: ری وە ئیران نیەیمن بوودە خاوەن چەک ئەتۆمی
شەفەق نیوز/ مارکۆ ڕوبیۆ وەزیر دەیشت ئەمریکا، ئمڕوو شەممە، دووپاتیکرد کە ئەمریکا ری وە ئیران نیەێد بوودە خاوەن چەک ئەتۆمی، و دووپات لەبان پابەندبوین وڵاتەگەی کرد ئەرا ریگریکردن لە تاران لە پەرەپیدان ئی جویرە چەکە.
ئەو لێدوان ڕوبیۆە لە بەشداریکردن لە گردەوبوین وەزیرەیل دەیشت ریخریاگ پەیمان باکوور ئەتڵەسی (ناتۆ) بوی کە لە برۆکسلی پایتەخت بەلجیکا وەڕیەو چگ، لەناوی ئاشکرا کرد کە سەرۆک دۆناڵد ترەمپ لە نزیکەو کەفتیەسە فتراق ئی فایلە، و چەوەڕی زانین گامەیل بانان کەێد لەی پرسە".
ڕوبیۆ وتیش: هویچ وڵاتیگ لە جیهان نیەخوازێد ئیران بوودە خاوەن چەک ئەتۆمی، یەیش نشانەس ئەرا ئەوە کە "واشنتۆن وەردەوام بوود لە تەقەلایل دیپلۆماسی و ئەمنییەیل ئەرا دڵنیابوین لەوە کە تاران توانای رەسین وەو ئامانجە نییە".
جی باسە کە دۆناڵد ترەمپ، سەرۆک ئەمریکا لە لێدوانەیل جاران ئاشکرا کرد کە لەباوەت رەسین وە ڕێککەفتن لەبان بەرنامەی ئەتۆمی پەیامیگ ئەرا ڕێبەر ئێران کلکردیە.
ترەمپ وتیش: واشنتۆن هویر لە دوو ری کەێد ئەرا چارەسەرکردن قەیرانەگە، سەربازی و دیپلۆماسی، بەڵام گرنگی دەێد وە دانوسەنین، یەیش نشانەس ئەرا وەردەوامی تەقەلایل دیپلۆماسی ئەرا چارەسەرکردن کێشە ئەتۆمییەیل.
