"هيزيگ پەلاماردەر ناودەوڵەتی" وەرەو زەریای هیندستان و زەریای هێمن چوود

شەفەق نيوز/ کەشتی فڕۆکەهەڵگر بەریتانی HMS Prince of Wales کە سەرەکیترین هیز دەریایی شاهانەس، بڕیارە وە سەرۆکایەتی گروپیگ پەلاماردەر دەریایی فرەنەتەوەیی وەرەو ناوچەی هیندستان و زەریای هێمن بچوود، وە ئامانج کلکردن "پەیامیگ هازدار".

کەشتییە فڕۆکەهەڵگرەگە سەرکردایەتی کەشتییە جەنگییەیل بەریتانیا و نەرویج و کەنەدا کەێد لە ئەرکیگ هەشت مانگی، کە بریتییە لە مەشق و ڕاهێنان و ئۆپەراسیۆن و سەردان هاوبەش وەرد ٤٠ وڵات لە دەریای ناوڕاس، خوەرهەڵات ناوڕاس، باشوور خوەرهەڵات ئاسیا، ژاپۆن و ئوسترالیا.

بڕیارە رووژ سێشەممە هەزاران خیزان و لایەنگرەبل لە نزیک بەندەر پۆرتسمۆس گردەو بوون و ماڵئاوایی لە کەشتیی جەنگی ٦٥ هەزار تۆن بکەن، کە وە یاوەرییەو لە بنکەی دەریاییەگەو وە کەشتیی ویرانکەر HMS Dauntless وەگەردی چوود.

ئیجا دوو کەشتی نەرویجی و فرێگات بەریتانی و کەنەدی کە لە پلیمۆسەو کەفنە ری چنە شانیان.

CSG وە کەشتی پشتیوانی هیز دەریایی شاهانە RFA Tidespring تەواو کریەێد.

 لە چەن رووژیگ دویای ئەوە فڕۆکەی جەنگی (F-35B) بەریتانی کەفێدە کورد کەشتییەگە، و مەزەنە کریەێد لەماوەی ئەو ئەرکە شمارەگە بڕەسێدە 24 فڕۆکەی جەنگی.

هەمیش بڕیگ هێلیکۆپتەر و فڕۆکەی بێفڕۆکەوانیش کەفنە گەرد ئەو هیز دەریاییە.