هوشبەر نوویگ لە ئەمریکا بڵاو بویە هەرکەسیگ بخوەێدەی بوودە زۆمبی
دویای پرسیارکردن دەرکەفت ک یە مادەی هوشبەری نوویگە لەناو گەنجەیل ئەمریکا بڵاو بویە، ک هیلێد ریژەی دڵکوتان کەمەو بوود، و رخیگ لەبان خوەی و کەسەیل نزیکی پەیا کەێد، و هاتێ بڕەسێدە مردن.
میدیایل راگەیانن ئەمریکا وتن: ئەو مادەی هوشبەریە وەناو "tranq" یا "هوشبەر زۆمبی" ناسریاگە، ک وەگەرد مادەی زیلازین تیکڵا کریەێد، ک هەمیشە ئەو مادە ئەرا ئارامکردن ئاژەڵە گەپەیل جویر ئەسپ وەکاری تیارن، و هەمیش وەگەرد مادەی فنتانیل ک رخبەرترین هوشبەریە.
پسپۆڕەیل دووپات کردن ک ئی تیکەڵا بوودە چشتیگ بکوش، و ئەوەگ ئاڵوودەی بوود مینێدە مردگە زنییەیل "زۆمبی"، و تەنکەهەناسی و وسیان تەکان خوین دروس کەێد، و رەسێدە گەنیان پووس، و جاروباریش بایەتە ئەندامەیل بووڕیەید.
پسپۆڕەیل دیاری کردن ک مادەی زیلازین سەرخوەشی و مەسی تا ماوەی فرەیگ پەیا کەێد.
ویلایەت تەکساس تا ئیسە چوار مردن وەلای کەمەو لە ئەنجام وەکارهاوردن هوشبەری زۆمبی راگەیانیە.
