هەفت مردن و ٣٧ تووشهاتن وە کۆڕۆنا لە ناوچەیل ئیدارەی سەروەخوەیی
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو جمعە، راگەیان تۆمارکردن هەفت مردن وە ڤایڕۆس کۆڤید-١٩ لە باکوور و خوەرهەڵات سوریا.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: مردنە نووەکان ئەرا دوو پیاو لە حەسەکە و سێ پیاو لە قامیشلۆ و پیاو و ژنیگ لە تەبەقە تۆمار کریان.
موستەفا دووپات کرد ک ٣٧ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی لە باکوور و خوەرهەڵات ئەرا ٢٣ پیاو و ١٤ ژن تۆمار کردنە، وەگەرد ١٤ خاسەوبوین لە پەتاگە.
تووشهاتنە نووەکان وەیجوورە بەشەوە بوین: ١ حەسەکە، ٢٤ قامیشلۆ، ١٥ دێرک، ٥ دەرباسیە،ە١ مەنبج، ١ شەها.
جی باسە ک ژمارەی تووشهاتنەکان لە ناوچەیل ئیدارەی سەروەخوەیی لە باکوور و خوەرهەڵات سوریا رەسیە ١٥٨٣٣ تووشهاتن، لەلیان ٥٧٨ مردنە، و ١٦٢٠ خاسەو بوینە.
