هەشت کوشیان و سەدان زەخمداری لە قەرەباڵغ فیستیڤاڵیگ مۆسیقایی لە ئەمریکا

شەفەق نيوز/ هەشت کەس لەلای کەمەو کوشیان،  و دەیان کەس زەخمدار بۊین، دۊیای قەرەباڵغ و دەڵکدان لە شەو دەسکردن وە فیستیڤاڵ مۆسیقایی لە شار هیوستن سەروە ویلایەت تیکساس ئەمریکا.  

وەرپرسەیل فریاکەفتن وتن؛ رخیگ کەفتە ئەو ناوە هەنای مەردمەگە دەسکردنە تەکان وەرەو نوای شانۆەگە لە فیستیڤاڵ ئەستروولد مۆسیقایی،  ک ترافیس سکوت گورانیچڕ راب دامەزرانەی.   

لەوەر تەکان و دەڵکەیلە ١١ کەس وە وسیان دڵیان رەسیانە خەسەخانە،  و هەشت کەس تر گیانیان لەدەسدان.    

نزیکەی ٣٠٠ کەس لە زەخمەیلیان چارەسەر کریان،  لەو ئاهەنگە ک ٥٠ هەزار کەس ئامادەی بۊی.