هیزگردن ئاگر گەپیگ لە مەشهەد ئیران.. ڤیدیۆ

شەفەق نیوز/ ئاگر گەپیگ، ئمڕوو یەکشەممە، لەناو کارخانەیگ ماتۆرسکیل  لەشار مەشهەد ئیران هیزگرد، و نزیکەی 4 هەزار مەتر چورگوشە لە روبەر کارخانەگە سزان.

فەرمانگەی پەیوەنی گشتیەیل رێکخریاگ وەرگیری شارستانی و کپەوکردن لە ئیران راگەیان ئاگر لەناو کارخانەی ماتۆرسکیل لە نزیک کارخانەی   "ئەلکترۆستیل" بلویزە گردیە، دیاریکرد رویداوەگە هێمانگ ها سەرەتای باوجی فراوانە، سەرچەوەگە خەوەردا بلویزەی ئاگرەگە نزیکەی 4 هەزار مەتر چوارگوشە لە روبەرەگە گردیەسەوەر.

وەڕێوەبەر گشتی ئیدارەی کپەوکردن لە مەشهەد وەپای ئاژانس "ئێرنا" خەوەری ئیران راگەیاندیە، تیم کپەوکردن چەن وێستەیگ رەسینەس شوین رویداوەگە لەبان ری نەبی ئەعزەم، دووپاتکرد ئاگرەگە گەپە و هاتێ لەدویری فرەیگ دویکەڵەگە بدوینرێد.

ئاشکرایکرد، ئاگرەگە وە تەواوی ئەمار چوارچوپە و کارتۆنەیل گردیەسەوەر وە رووبەر 4 هەزار مەتر چوارگوشە، تیمەیل کپەوکردن تەقەلای کۆنترۆلکردن ئاگرەگە دەن.