هەرچەن قەیەغەی گردەوبوین کریاس.. ناڕەزایەتی تویڕە لە ئیستەنبوڵ لەبان دەسگیرکردن سەرۆک شارەوانی
شەفەق نیوز/ شار ئیستەنبوڵ، ئمڕوو چوارشەممە، ناڕەزایەتییەیل فراوانیگ لەوەردەم بینای شارەوانی شیشلی وەخوەی دی، کە فەرمانبەرەیل و پارێزەرەیل و ئەندامەیل حزب ئۆپۆزسیۆن (گەل کۆماری) ڕێکی خستن، ئەوەیش دویای دەسگیرکردن ئەکەرم ئیمام ئۆغڵو سەرۆک شارەوانی شارەگە.
ناڕەزایەیل دروشمەیل پشتگیریکردن ئیمام ئۆغڵو وتن: و داوای مەرەقەزکردن کوتپڕی کردن، و دووپات کردن کە خوەی تەنیا نییە، لە وەختیگ پارێزەرەیل نا خوەینشاندانەگە وتن: دەسەڵات نەیشتیە پەیوەندی وەرد ئەو کەسەیلە بکەن کە دەسگیر کریانە و شمارەیان زیاترە لە 100 کەس وەگەرد ئیمام ئۆغڵو.
لەی باوەتە، پارێزەر حسێن ئیرسوز ئەندام حزب گەل کۆماری لە ئەنجومەن شارەوانی ئیستەنبوڵ گەورە و شارەوانی شیشلی وت: لە نزیکەی 100 شوین ئۆپراسیۆنەیل ئەمنی جیوەجی کریا، کە هیشت شار ئیستەنبوڵ ئەرا ژیان نەگونجێد.
وتیش: جویر دەسەی وەرگری کەفتیمنە وەر سەختیەیل گەورەیگ لە رەسین ئەرا توومەتبارەیل، کە ریگری لە پیشکەشکردن دەسمیەتی یاسایی ئەرایان کەێد.
ئیرسوز باس نیگەرانی خوەی کرد وەرانەور گەشەسەنین لێکۆلینەوە لەی رەوشەیل جیاوازە، وتیش: هەرچەگ بوود کۆمار تورکیا دەوڵەتیگە یاسا رانێدەی.
والی ئیستەنبوڵ، شەوەکی ئمڕوو چوارشەممە، بڕیار قەیەغەکردن گردەوبوین و خوەینشاندان تا ماوەی چوار رووژ دەرکرد، ئەوەیش وەگەرد دەسگیرکردن ئەکرەم ئیمام ئۆغڵو سەرۆک شارەوانی لە چوارچیوەی لێکۆڵینەوەیل گەندەڵی.
