نيوزيلاند سەرۆک نوویگ لە شوین جاسیندا دانەێد
2023-01-22T08:53:01+00:00
شەفەق نیوز/ حزب کریکارەیل لە نیوزلاند، وە فەرمی کریس هیبکینز جویر ریبەر نوویگ ئەرای هەڵوژێد، تا لە شوین جاسیندا ئەردیرن دانیشێد، وەیەوە بویە سەرۆک نوو وەزیرەیل وڵاتەگە.
وەگورەی سایت RNZ، هیبکینز ئەرا رووژنامەوانەیل دویای دەنگدانەگە وتیە: هەس وە گورجی کەم و خوازم گەرماگەرمی کار بکەم.
هیبکینز تەنیا کاندیدیگ بوی ئەرا سەرکردایەتی حزب کریکارەیل، ئاراوە دەنگدانەگە شیوەیی بوی، و ئەوەسا کارکل سیبولونی بوودە جیگر هیبکینز لە حکومەتەگە.
جاسیندا ئەردیرن، ئەو خانمە ک لە ساڵ ٢٠١٧ بویە خانمە سەرۆک وەزیرەیل نیوزلاند، لەی دویاییە وەناکاوەو وازهاوردنی لە پۆستەگە راگەیان، وتیش: ئەو بڕیارە لەوەر شەکەتیی هاتیە، و هوچان خوازێد.
