نزیکەی 50 کوشیای لە ئامار جەنگ ناوەین ئەمن سوری و لایەنگرەیل ئەسەد
شەفەق نیوز/ سەرچەوەیگ لە وەزارەت وەرگری سوریا، ئمڕوو جمعە، ئاشکرای زیایبوین شمارەی قوربانیەیل لە سوپا و پولیس و مەدەنی کرد لە ئەنجام جەنگ دویەکە ناوەین هیزەیل ئەمنی سوریا و چەکدارەیل لایەنگرەیل بەشار ئەسەد سەرۆک وەرین سوریا.
جەنگ و رویوەڕویبوین سەختیگ دویەشەو پەنجشەممە کەفتە ناوەین هیزەیل حکومەتی سوریا و گرووپەیل لایەنگرەیل ئەسەد لە پارێزگای لادقیە، کە بویە هوکار کەفتن دەیان قوربانی، وەگورەی روانگەی ماف مرۆڤ سوریا.
ئەو سەرچەوە کە دارا کرد ناوی ئاشکرا نەکریەێد ئەرا ئاژانس شەفەق نیوز وت: جەنگەگە هیمان وەردەوامە و شمارەی قوربانیەیل رەسیە 50 کوشیای لە سوپا و پولیس و مەدەنی.
وتیش: دەزگایەیل ئەمنی کەفتنەسە ئامادەباشی ئەرا ئارامکردن ئەو پارێزگایە کە هیمان جەنگە لەناویان.
روانگەی ماف مرۆڤ دووپات کرد کە 48 کەس لەلای کەمەو لەو جەنگە لە شار جبلە و دەورگردی لە ریف لادقیە کوشیانە، لەلییان 28 کەس لایەنگر ئەسەد وەکورەی هیزەیل ئەمنی سوریا، و 16 ئەندام لە هیزەیا ئەمنی زەدەس لایەنگرەیل ئەسەد.
ئیدارەی ئاسایش گشتی لە پارێزگای لادقیە چەسپانن قەیەغەی هامشوو تا ساعەت کەی شەوەکی ئمڕوو جمعە راگەیان، وەگورەی ئاژانس فەرمی سوریا "سانا".
هەمیش لە حومس قەیەغەی هامشوو تا شەوەکی ئمڕوو چەسپیا، و لە تەرتوس تا رووژ شەممە درویژەو کریا.
