گەنجیگ لە ویلایەت بنسلڤانيا سەر باوگ خوەی بڕێد وە بوخت "خيانەتکردن ئەمريكا"

شەفەق نيوز- بنسلڤانيا 

گەنجیگ لە تەمەن 32 ساڵان وەناو جاستن ديموهن، لە ویلایەت بنسلڤانيای ئەمریکا، باوگ خوەی کوشت و سەری بڕیە و وینەی تاوانەگە گردگە، گوایە  هاوڵاتییگ دەسگیر کردگە.

ئەو کوڕە کە پارچە ڤیدیۆیگ لەبان یوتیوب بڵاو کرد، تا چەن خوەلەکیگ وەرجە سڕینی، باس باوگی وە "خیانەتکار ئەمريكا" کرد، و توومەتی کرد کە دەس وەگەرد لایەنەیگ بویە هەڕەشەی وڵات دەن.

 لێکۆڵینەوەی سەرەتایی نشان دان، کە تاوانکارەگە تونەڕەوی داشتگە، و لەی دویایبە دەمەقاڵ تونیگ کەفتیەسە ناوەین خوەی و باوگی بویە، لەبان وتار سیاسی و لایەنگری نیشتمانی، کە تاوانەگە نەک لە ئەنجام هاندەر کەسایەتی بویە، بەڵکم ئەرا کلکردن پەیامیگ وە فەرمانبەرەیل حکومەت فیدراڵی ئەمریکا بویە ئەرا جیوەجیکردن داوایەیلی، کە داوای دەسلەکارکیشانیان و وازهاوردن لە قەرز گشتی کرد.

    هیمان ئەو باوەتە لەناو دادگا یەکلاوە نەکریاس، لە وەختیگ داواکاری جەماوەری کەورەیگ هەس وە جیوەجیکردن سزایەیل سەختیگ وەرانەور تاوانکار، وەگەرد وەشکین و تاقیکردن دەروینی.