کینیا.. پەیاکردن تەرم ٣٩ کەس رووژگ گردنە تا چەویان بکەفێدە عیسای مەسیح
2023-04-24T09:14:41+00:00
شەفەق نیوز/ تا ئیسە تەرم ٣٩ کەس لەناو زەوییگ پەیا کریا، ک قەشیگ خاوەنیە لە کناراو کینیا، ک قەشەگە داوا لە لایەنگرەیلی کردگە تا مردن رووژگ بگرن.
جۆن کیمبۆی، فەرماندەی پولیس ناوچەی مالیندی وت: قەورەیلیگتر هەس هیمان واز نەرکیانە لەناو ئەو زەویە ک خاوەنەگەی گەورەی کلیسەی بوب ماکینزیە، ک لە ١٤ی نیسان دەسگیر کریا.
بڕ گشتی کوشیاگەیل رەسیە ٤٣ کەس، چوینکە چوار کەسیان دویای پەیاکردنیان لە وەرسگی لەناو کلیسەی ئەنتەرناشیناڵ لە هەفتەی گوزەشتە گیانیان لەدەس دانە.
پولیس داوا لە دادگا کرد مووڵەت بەێد تا ماکینزی لەناو زیندان بمینێد وەگەرد لێکۆڵینەوە لە بندروس مردن ئەو کەسەیلە.
کەسەیلیگ ئاگادار پولیس کردن، و پولیس چگە ناو زەوی ئەو قەشە لە مالیندی، ک ١٥ کەس لەڕ پەیا کردن، و چواریان گیانیان لەدەس دان.
ئەو کەسەیلە وتن: لەبان داوای قەشەگە خوەیان وەرسگ کردنە تا چەویان بکەفێدە یەسووع.
