ئەميركا داوا لە باڵە چەکدارەیل سوریا کورد هەر ئیسە چەک فڕە بیەن
شەفەق نيوز - واشینتۆن
تۆم باراک کلکریای ئەمریکا ئەرا سوریا، داوا لە گشت باڵە چەکدارەیل سوریا کرد هەر ئیسە چەک فڕە بیەن، و واز لە کارەیل دوژمنایەتی بارن، و لە گەردەلویل تووڵەسەنین هووزانە.
باراک لە پۆستیگ لەبان ئێکس نویسان: بڕیار دۆناڵد ترەمپ سەرۆک ئەمریکا وە هەڵگردن سزایەیل لەبان سوریا گامیگ بنەمایی بوی.
باراک وتیش: ئی بڕیارە دەرفەتیگ ئەرا گەل سوریا دروس کرد تا ساڵەیلیگ لەو زیان و نەهامەتیەیلە بنەێدڵ پشتسەر کە بڕوا نیەکریەن.
وتیش: کۆمەڵگای ناودەوڵەتی کە وە گەشبینی وریا نووڕیادە تەقەلای ئەرا دەرچگە لە میراتی ژان وەرەو بانان رووشن، تا ئاست گەورەیگ پشتگیری لە حکومەت نوو سوریا کرد.
وتیش: وەلێ ئی تەمای تورتە ئیرنگە شۆک قویلیگ وەبانیەو زاڵ بوود، کە کارە وەحشیانەیل باڵە چەکدارەیل کە پەسا جەنگ کەن، دەسەڵات حکومەت رمنێد و هەڕەشەی هەر سیمایگ لە سیمایەیل رژیم دەێد.
لە کۆتایی پۆستەگەی دووپات کرد کە سوریا لە بان پیچ یەکلاییکەر وسیاس، بایەسە ئاشتی و گفتوگۆ زاڵ بوود، و هەر ئیرنگە بایەسە بوود.
