مردن و زەخمداری 8 کەس وە رمیان "تەلەفریک" لە تورکیا
2024-04-13T07:26:21+00:00
شەفەق نیوز/ کەسیگ گیان لەدەسدا و 7 کەسیش زەخمداربوین نزیکەی 200 کەس ترەک لە ئاسمان گیرکردن، وە رمیان ستوین پاڵپشتیکەر بازی "تەلەفریک" لە دەێشت شار گەشتوگوزای ئەنتاڵیا لە تورکیا.
سەرۆک شارەوانی ئەنتالیا محیەدین بوتشیک لە بەیاننامەیگ دیر وەخت دویەشەو جومعە وت؛ فرۆکەیل کۆپتەر بانگ کریابین وە نووڕین لە شەو ئەرا قورتارکردن 184 کەس کە لە ناو کابینەیل سیستەم بازیەگە گیرکردبوین.
تیمەیل قورتارکردن تەقەلای رەسین وە سەرنشینەیل گیرخواردی دان و ئوشن: "تیمەیل تایوەتمان لەورا هەس، لە کەمترین وەخت گشتیان قورتارکەیمن".
وەزیر ناوخوەی تورکیا عەلی یەرلیکایا دووپاتکرد، مردن و زەخمداری هەنای رویدایە، کە مەوقەی رمیان ستوینەگە، یەکیگ لە کابینەیل سیستەم تەلە فریکەگە لە ساريسۆ-تونكتيبی کەفێدە ناوچەیگ سەنگی.
وەپای زانیاریەیل پێگەی کۆمپانیای تەلەفریکەگە لەبان ئنتەرنیت، تەلەفریکەگە پێکتێد لە 36 کابینە و هەر یەکیگیان شەش کەس گرنەخوەی.
