مردن نەدارترین سەرۆک لە جیهان

شەفەق نيوز/ ياماندو ئۆرسی سەرۆک ئۆرۆگوای، شەو سێشەممە، مردن خۆسێه "بيبی" موخيكا، سەرۆک وەرین راگەیان، کە چالاکوان چەپ بوی، لە تەمەن 89 ساڵە.

 موخيكا، کە بویە خاوەن نازناو نەدارترین سەرۆک لە جیهان، دویلی زیانی وەگەرد شێرپەنجەی سورینچک گیانی لەدەسدا، و میراتییگ سیاسی و مرۆیی تاوانیگ لە ئەمریکای لاتینی هیشتە جی.

 سەرۆک وەرین ئۆروگوای و سونبول چەپگەرایەتی لە ئەمریکای لاتینی خوسێە "بيبی" موخيكا بە تەمەن 89 ساڵە گیانی لەدەسدا، وەگورەی راگەیانن سەرۆک ئیسە ياماندو ئۆرسی.

موخيكا، کە لەناوەین 2010 و2015 لە پۆست سەرۆکایەتی بوی، یەکیگ بوی لە دیارترین کەسایەتیەیل چەپ لە ناوچەگە، و وە نەدارترین سەرۆک لە جیهان ناودیار بوی، وە مدوو ئەو ژیان سادەیە، و پەخشین فرەی مووچەی سەرۆکایەتیی ئەرا پشتگیریکردن بەرنامەی نیشتەجییوین کۆمەڵایەتی.

 ئۆڕسی لە پۆستیگ لەبان پلاتفۆرم ئێکس نویسان: وە خەم و خەفەت قویلیگ، پرسەی هاوڕیمان بیبی موخیکا سەروک ز چالاکوان و سەرکردە و ریبەر کەیمن، ئەوەسا فرە هویرد کەیمن ئ ئەی پیاوە پیرە نازارەگە.

موخیکا سەروک وەرین حزب باندەیل، لە ئایار 2024 تویشهاتنی وە شێرپەنجەیی سورینچک ئاشکرا بوی، و لەو وەختە وت: دیارە من مرم، جەنگاوەر تیەرزێد هوچان بخوەێد.

شەو سێشەممە، ماشینیگ تەرمەگەی هەڵگردوێد لە ماڵەگەی دەرچگ، لە سیمای ماڵئاواییکردن کاریگەر و سووزداریگ.