مردن راوێژکار سەربازی خامەنەئی وە ڤایڕۆس کۆڕۆنا
شەفەق نیوز/ ئاژانس خەوەری «فارس نیوز»، ئمڕوو جمعە، راگەیان مردن راوێژکار سەربازی فەرماندەی هێزەیل چەکدار ئیرانی عەلی خامەنەئی.
ئاژانسەگە لەبان ماڵپەڕ فەرمی خوەی وت: حەسەن فەیروز ئابادی سەرۆک وەرین ئەرکان گشتی هێزە چەکدارەیل و راوێژکار سەربازی سەرکردایەتی گشتی هێزە چەکدارەیل (عەلی خامەنەئی)، ئمڕوو لەوەر بیماری مرد، وەبی ئاشکراکردن بیماریەگە.
لەلای خوەییش رووژنامەی ئەلیکتڕۆنی «عەسر ئیران» وت: مردن لیوا حەسەن فەیروز ئابادی لەوەر تووشهاتنی وە ڤایڕۆس کۆڕۆنا هات.
لیوا حەسەن فەیروز ئابادی هالە تەمەن ٧٠ ساڵان، خەڵک شار مەشهەدە، و خاوەن بڕوانامەی دکتۆرا لە زانکۆی فردەوسیە لە مەشهەد.
لیوا حەسەن فەیروز ئابادی ئەرا ماوەی ٢٧ ساڵ، هەر لە ساڵ ١٩٨٩ تا ساڵ ٢٠١٦ لە پشت لیوا محمد باقری پۆست سەرۆک دەزگای ئەرکان گشتی ئەرا هێزە چەکدارەیل ئیران وەرگرد.
دویای تەواوبوین ئەرک لیوا فەیروز ئابادی لە سەرۆکایەتی ئەرکان گشتی، خامەنەئی کردەی راوێژکار باڵا ئەرا باوەتەیل سەربازی گ، و ئیسە ئەندامە لە ئەنجومەن دیاریکردن بەرژەوەنی رژیم.
