مردن دەیان کەس لەوەر گەرمی لە هندستان
2023-06-19T12:17:11+00:00
شەفەق نیوز/ رووژنامەی تایمز ئۆف ئیندیا، ئمڕوو دووشەممە، وت: ٥٤ کەس لەلای کەمەو گیانیان لەدەس دانە لە ویلایەت ئەوتار برادیش لە باکوور هندستان لەی رووژەیل گوزەشتە.
ئەوەیش وەگەرد وازکردن لێکۆڵینەوە وەلایەن دەسەڵاتدارەیل تا بزانن ئەگەر لەوەر گەرمی مردنە.
رووژنامەیگ ناوخوەیی وت: ٥٤ کەسیش لە ویلایەت بیهار گیانیان لەدەس دانە، وەگورەی ئاژانس رۆیتەرز.
لە هەفتەی گوزەشتە، کەشناسی هندستان هوشداری تونیگ لە شەپوول گەرمی سەختیگ لە بەشیگ لە ناوچەیل وڵاتەگە دا، جویر ویلایەت ئەوتار برادیش و بیهار.
پلەی گەرمی ئەرا نزیکەی ٤٥ پلەی سیلیزی لەی رووژەیل دویاییە لە بالیار بەرزەو بوی، لەسای قەیران تیژسگ لە وزە.
