مرافەی مانگە دەسکرتەیل چین وئەمریکا
2021-12-29T07:24:29+00:00
شەفەق نیوز/ وڵات چین داوا لە ئەمریکا کرد مقیەتی ویستگەی ئاسمانی چینی وە گەرد تیمەگەی ناوی بکەێد، دۊیای ئەوە ک نزیک بۊی مانگە دەسکرتەیل کۆمپانیای "سپێس ئێكس"، ک خاوەنەگەی ئیلۆن ماسکە، نزیکبۊی بەێد لە ویستگەگە.
چاو لێجیان قسەکەر وەزارەت دەرەوەی وڵات چین توومەتبار واشینتۆن کرد ک پاپای مقیەتیکردن تیم ویستگەی تیانگۆنگ ئاسمانی نییە، دۊیای دوو جار مانگەیل دەسکرت ئەمریکا نزیک بۊی بەێدەلی.
حکومەت چینی لە دادکردنیگ لەدەس ئەمریکا لەلای دەسەی وەکارهاوردن ئاسمان دەیشتەکی لە کارەیل ئاشتیانە سەروە نەتەوە یەکگرتگەیل وت: کەشتی ئاسمانی تيانغونغ خوەی لە مانگە دەسکرتەیل ئەمریکا قورتار کرد.
وتیش: بایەتە ئەمریکا کارەیگ بکەێد تا ئی کردەوە دووارەو نەوود.
