ئەمریکا..پەلاماریگ چەکداری وەبان تیمیگ ئاگرکپەوکەر لەوەخت کپەوکردن ئاگریگ
شەفەق نیوز ـ واشنتۆن
دادوەر ویلایەت ئەیداهۆ لە ئەمریکا براد لیتل، ئمڕوو دووشەممە، راگەیان شمارەیگ لە پیای ئاگرکپەوکردن رویوەڕوی پەلامارداین هاتنە لەوەخت کپەوکردن ئاگر لە باکوور ولایەتەگە، داوا لە دانیشتگەیل کرێد دویرەوبکەفتن لەو ناوچە تا هێزە ئەمنیەیل ئەرکەیلیان ئەنجام بیەن.
لیتل لە پۆستیگ لەبان "ئێکس" وت "یە پەلاماریگ راستەوخوەی و قێزەوەنە وەبان ئاگرکپەوکەرەیل ئازایەیلمان، داوا لە گشت مەردم ئایداهۆ کەیمن دوعا ئەرا خوەیان و خێزانەیلیان بکەن لەوەختیگ کە چەوەڕێ زانیاری زیاتر کەیمن "دووپاتکرد لەبان هەوەجەی دویرەوکەفتن لە شوین رویداوەگە".
راپۆرتە خەوەری ناوخوەیەیل راگەیان، وەپشت بەسان وە ریگەوەپیدریاگەیل پۆلیس، شمارەیگ لە پیای ئاگرکپەوکە وە گولە زەخمداربوینە، دووپاتکرد فەرماندەی پۆلیس وڵایەتەگە کە دوو کەس کوشیانە، وەبی ئەوەس شمارەی زەخمدارەیل دیاریبکرێد.
فریاگوزاری پارێزگای کوتێنای ئاگادارکردنەوەیگ بڵاوکرد و داوا لە دانیشتگەیل ناوچەیل دەوروبەر کرد کە لە شوین خوەیان پەناگە بگرن.
