ئەمریکا.. لە رویداویگ چەقوکیشان لەناو بازاڕیگ 11 کەس زەخمداربوود
شەفەق نیوز ـ میشیگان
دەسلاتدارەیل ئەمریکا، ئمڕوو یەکشەممە، راگەیانن رویداویگ چەقوو کیشانن رخباریگ لەناو یەکیگ لە بازاڕەیل زنجیرە "وول مارت" لە شار ترافیرس سیتی لە ولایەت میشیگان رویدایە، لە ئەنجام 11 کەس زەخمداربوین، و لەناویان 6 حالەتیان سەختە.
پۆلیس ویلایەت میشیغان ئاشکرایکرد "گومان لێکریاگەگە دەسوەجی دەسگیرکریاس، دیاریکرد نویسینگەی پۆلیس کەرت گراند ترافیرس دەسکردیەس وە لێکۆڵینەوە، تا ئیسە هویرداکاری هویردەیل هانەژیر لێکۆڵینەوە، و داوا لە هاوڵاتیەیل کرێد لەناوچەگە دویرەوبکەفن.
کۆمپانیی "مۆنسۆن ئەرا چەودێری تەندروسی" دووپاتکرد "گشت زەخمدارەیل چارەسەرکریانە لە گەپترین خەستەخانەی باکوور ولایەتەگە، و دەسە پزیشکیەیل وەدویاچگن حالەتەگەیان کەن، لەهەمان وەخت قسەکەر خەستەخانەگە، میگان بران وت، زەخمداریەیل لە ئەنجام چەقوو کیشانە، و پەنج کەسیان باردۆخیان ناجیگیرە، پەنجیان رخدارە".
