ئەمریکا.. کەفتن فڕۆکەیگ ئەمریکی و کوشیان سەرنشینەیلی

شەفەق نیوز/ رووژنامەی دەیلی مەیل بەریتانی خەوەردا لە کەفتن فڕۆکەیگ یەک مەکینەیی وەبان بینایگ، لە شان بینایگ نیشتەجیی، لە ویلایەت هامشایر لە ئەمریکا، ک بویە هووکار کوشیان گشت کەسەیل ناو فرۆکەگە.

بڵویزەی ئاگر ئەرا ٤٠ پا بەرزەو بوی، دویای ئەو روداو دڵتەزنە لەنزیک فڕۆکەخانەی کین دێلانت هۆبکینز.

شار کین لە بەیاننامەیگ وت: رویداو کەفتن فڕۆکەگە لە نزیک فڕۆکەخانەی کین لەبان بینایگ چەن خیزانیگ لەناوی نیشتنە لەنزیک هۆپ چابڵ بوی.

هەرلیوا زەخمداری لەناو ئەو بینا نەویە، باوجی گشت کەسەیل ناو فرۆکەگە گیانیان لەدەسدانە.

تا ئیسە شمارەی ئەو کەسەیلە ک لەناو فڕۆکەگە بوینە دیار نییە، باوجی هویچ کەسیگ زنی لەناویان نییە.