کۆمەڵکوشی لە غەززە.. وە مدوو گورزەیل ئیسرائیل 20 کەس کوشیان کە 9 کەسیان ئاوارەبوین
شەفەق نیوز ـ غەزە
شەوەکی ئمڕوو پەنجشەممە، وە گورزیگ ئیسرائیلی کە چەن ناوچەیگ لە کەرت غەزە وەخوەی دی 20 کەس کوشیان لەناویان 9 کەس لە ئاوارەیل ناو مەکتەویگن لە باکوور شار غەزە، وپای سەرچەوە پزیشکیەل فەلستین.
سەرچەوەگە راگەیان، فرۆکەل ئیسرائیل گورزیگ وەبان مەکتەو "عومەرو بن عاس" لە کویچەی شێخ رەزوان لە بکوور شار غەزە وشانییە، لە ئەنجام 9 کەس کوشیا و چەن کەسیگ زەخمداربوین کە ئەرا چارەسەرکردن کلکریانە خەستەخانە.
لە خوەرئاوای شار غەزە ئاژانس خەوەری فەلەستینی"وەفا" خەوەردالە کوشیان 6 کەس و زەخمداری 20 کەس ترەک وە گورزەیل ئیسرائیل وەبان ماڵیگ لە ناوچەگە.
مانگ سوور فەلەستینیش کوشیان 5 هاوڵاتی و زەخمداری چەن کەسیگ راگەیان لە ئەنجام گورز ئیسرائیل کە چادر ئاوارەیل خێزان ئبو عەرەب گردیەسە ئامانج لە کویچەی مەجایدە لە شار خان یونس باشوور کەرتەگە، و زەخمدارەیلیش ئەرا خەستەخانەی ناسر ککلکریاس.
هەمیش فڕۆکە بیفڕۆکەوانەیل ئیسرائیل شوینیگ لە نزیک کۆمەڵگەی پزیشکی ناسر لە خوەرئاوای خان یونس کردە ئامانج و ماشینەیل سوپای ئیسرائیلیش شەوەکی تەقە لە ناوچەیل خوەرهەڵات شاری غەزە کردنە.
