یەک مەلیۆن مناڵ ئەفغانی هانە وەر رخ ورسگی
شەفەق نیوز/ سەرچەوەیلیگ ناوخۆیی و ناودەڵەتی، ئمڕوو شەممە، هوشداری کردن ک مناڵەیلەی ئەفغانستان لە ورسگی بمردن، لە وتارەیلیگ دۊیای دووپاتکردن تیەێد ک شایەت یەک مەلیۆن مناڵ بکەفنە وەر بەد خوادەمەنی ک وەگەرد کۆتایی ئی ساڵە هەڕەشەی گیانیان دەێد.
مەڵا محمد ئەحمەدی وەڕیەوبەر تەندروسی گشتی لە هەرێم غور ک کاریگەرە وە رەوشەگە ئەرا فڕانس پڕس وت: ١٧ مناڵ لەلای کەمەو لەوانەگ رەسینە خەسەخانە لەوەر بەد خوادەمەنی لە شەش مانگ گوزەیشتە گیانیان لە دەسدان، وتیش: نزیکەی ٣٠٠ لەلیان لە کاریگەری وەرسگی خاسەو کریان.
ئەحمەدی وتیش؛ سەدان لە مناڵەیلە هانە وە رخ مەترسی لە بەشەی ناوڕاس ئەفغانستان. قسەکەریگ وەناو رێکخراوی نەتەوە یەکگرتگەیل ئەرا مناڵی لە ئەفغانستان دیاری کرد ک نێتۊنێد دووپات لە شمارەی مردنەیلە لە غور بکەێد، باجی رخی چوود ک فرە لە مناڵەیلە باج گرانیگ بیەن.
لەلای خوەییش، سەلام جەنابی لە ڕێکخراو یونیسێف وت: تووڕ چەودیریکردن سەروە نەتەوە یەکگرتگەیل پەکی کەفت، و تەنیا پشت وە راپۆرتەیلیگ قسەکردن.
