کۆمەڵیگ دانیمارکی رەگەزپەرەس لەنوای بالیۆزخانەی تورکیا و عراق چاپیگ له قورئان سزنن
2023-08-13T07:41:21+00:00
شەفەق نیوز/ دەزگایەیل راگەیانن تورکیا، ئمڕوو یەکشەممە، راگەیان کۆمەڵیگ دانیمارکی رەگەزپەرەس دژ وە ئیسلام، کە ناسریان وە "نیشتیمان پەروەرەیل دانیمارکی" لە نوای بالیۆزخانەی تورکیا و عراق لە کوبنهاغن چاپیگ لە قورئان سزانن.
ئاژانس فەرمی تورکیا "ئانادۆل" راگەیان، ئەندامەیل ئی کۆمەڵە بەشداربوینە لە کردەوەگە و بەرزەوکردن تابلۆ و دروشمەیل دژە ئیسلام وتنە و ئی چرکە ساتەیش لەرێ لایڤیگ راستەوخوەی لەبان تووڕەیل کۆمەڵایەتی بڵاویکردنە، دیاریکرد " جموجویلە چزدەرەیلیان" لەژیر مقیەتیکردن پۆلیس دانیمارک بوی.
کەمپینەیل سوکایەتیکردن وە قورئان پیرووز لە سوید و دانیمارک ئەوزەڵکردیە، یەیش کاردانەوە دژ وە ئەو دو وڵاتە وە دویای خوەی هاورد.
