شاە ئیسپانیا و شازن دانیمارک تۊش کۆرۆنا هاتن
شەفەق نیوز/ لە کۆبنهاگن و مەدرید، ئمڕوو چوارشەممە، راگەیانن تۊشهاتن شاە ئیسپانیا و شاژن دانیمارک وە ڤایرۆس کۆرۆنا.
لە مەدرید، کۆشک شاهی ئیسپانیا لە بەیاننامەیگ وت: وەشکینیل شاە فیلیپی، ئمڕوو چوارشەممە، تۊشهاتنی وە ڤایرۆس کۆڤید-١٩ چەسپان، دۊای دەرکەفتن نشانەیل سووکیگ لە مەوقەی شەو.
بەیاننامەگە وتیش: شای ئیسپانیا تا هەفت رووژ کەفێدە کەرەنتین.
بەیاننامەگە وتیش، تەندروسی شاە خاسە، و لە شۊن خوەی کارەیلی بەێدە ری، وتیش؛ هۊچ نشانەیل بیماریەگە لەلای شاژن لێتیسیای ژنی نیە، ونەیش لەلای شازادە سۆفیای دۊەتی دیار هەس.
لە کۆبنهاگن، کۆشک شاهی لە دانیمارک لە بەیاننامەیگ، ئمڕوو چوارشەممە، وت: شاژن مارگرێت تۊش ڤایرۆس کۆرۆنا هات، باوجی نشانەیل بیماریەگە سووکە.
بەیاننامەگە وتیش؛ ئەو شاژنە ک یە ٥٠ ساڵە نیشتیەسە تەخت، هوچان زمسانیی پۊچەڵ کرد، ک تەگبیر بۊ ئمڕوو چوارشەممە لە نەرویج بوود. بەیاننامەگە وتیش: شاژن ٨١ ساڵان، لەناو کۆشک ئەمایلنبور ناوڕاس کۆبنهاگن پایتەخت کەرەنتین کردگە.
