پەلامارەگەی ئیسرائیل ئەندامیگ دیار حەماس لە لوبنان کەێدە ئامانج (ڤیدیۆ)

شەفەق نیوز ــ خوەرهەڵات ناوڕاس

سووپای ئیسرائیل، ئمڕوو سێشەممە، راگەیان ئەندامیگ دیار لە بزوتنەوەی "حەماس" وە گورزیگ ئاسمانی لە ناوچەی ترابلس لە باکوور لوبنان گردیەسە ئامانج.

سوپای ئیسرائیل لە بەیاننامەیگ وت، ئەو پەلامارە کە لەی دویاییە لەبان ئەندامیگ دیار بزوتنەوەی "حەماس" لە ناوچەی ترابلس لوبنان کریا وە وەکارهاوردن فرۆکەیل سەر وە چەک ئاسمانیی بویە.

دەزگایەیل راگەیانن، ئمڕوو سێشەممە، خەوەردان لە کوشیان کەسیگ وە گورزەیل ئیسرائیلی کە ماشینیگ لە نزیک بەربەست سووپای لوبنانی لە شارۆچکەی عیرونیە لە قەزای زغرتا باکوور لوبنان وە ئامانج گیریاس.

وە ئامانجگردنەگە لە چوارچمگ زنجیرە هەڵمەت و دەستدرێژی سەربازیی ئیسرائیل وەبان لوبنان تێد، وەبان ڕێککەفتن ئاگربەست ناوەین لوبنان و ئیسرائیل کە لە ٢٧ تشرین دویەم ٢٠٢٤ەو کار وەپیکرێد.