لە ناوڕاس رەخنەیل سەختیگ.. روحانی مەکتەبەگان لە ئیران کەێدەو: بکەنەیانە شیوەی کامپ سەربازی

شەفەق نیوز/ حەسەن روحانی سەرۆک ئیران، ساڵ خوەنستن نوو کردەو، لەناو رخنەیل سەختیگ رەسیە حکومەتەگە ئەرا بڕیارەگەی وە نووەوکردن خوەنەواری لە سای رەوشەیل تەندروسی لەوەر کۆرۆنا، وپێشبینیەگان وە خراوبوین دۆخەگە وەگەرد وەرز پایز. روحانی لە کردنەوەگە لە پەیوەندییگ وە بازنەی تەلەفزیۆنی بەسیاگیگ وەگەرد یەکیگ لە مەکتەبەگان لە خوەرئاوای تەهران پایتەخت بانگوازکرد ک مەکتەبەگان ئی ساڵە وەشیوەی کامپەیل سەربازی بوون، لە پاپەندی وورد لەلایەن خوەنەوارەگان وکادرەگان وە رینما تەندروسیەگان، وتیش؛ ئمساڵ ساڵ پابەندی خوەنەوارەیلە، وەشیوەی کامپەیل راهێنان هێزە چەکدارەگان، وەگورەی کەناڵ RT. روحانی دووپاتکرد ک هەڵەیە مەزەنە بکەریەێد وە ریگردن تەندروسی وەهووکارەبوین ئمساڵ لەوەر پەتاگە، وداواکرد وەختەیل خوەنستن ئمساڵ کەمەو بوود و گردەوبوین لە مەکتەبەگان قەیەغە بکریەێد. بانگەوازەگەی روحانی ئەرا دەوامکردن خوەنەوارەیل، لە وەختیگ ک خوەی لە هیچ گردەوبوینیگ بەشدار نیەوود، بویە جی رەخنەیگ لە پەرلەمان ئیران، و حسێن عەلی شەهرەیاری وەرپرس دەسەی تەندروسی وت: نەبایەسە مناڵەگان ئەرا مەکتەبەگان رەوانە بکریەن، لەوەختیگ سەرۆکەگە لە کردنەوەی ساڵ خوەنستنەگە لە ئاسمان ئەلیکتڕۆنی بەشدار بوود. شەهرەیاری وتیش؛ پەرلەمانەگە نیگەرانە لە باوەت سەڵامەتی خوەنەوارەیل، ودووپاتکرد پابەندییان وە رینما تەندروسیەگان وەشیوەی هەنەکیە، ک فرە لە خیزانەگان پویل دەمامەک سەنین رووژانە ئەرا مناڵەیلیان نەیرن.