ئیلۆن ماسک ئەنتەرنەت پەتی ئەرا ئەو ناوچەیلە واز کەێد لە مەغریب کەفتنە وەر زەویلەرزە
2023-09-11T14:10:56+00:00
شەفەق نیوز/ پسپۆڕەیلیگ مەغریبی توەنستن خزمەتگوزاری ئەنتەرنێت وەپەتی بخەنە کار، لەناو ئەو ناوچەیلە کە کەفتنە وەر زەویلەرزە، ئەوەیش وە بەسیان پەیوەندی وەگەرد مانگە دەسکردەیل تووڕ "ستارلينك"، کە ملیاردێر ئەمریکی ئیلۆن ماسک خاوەنیە.
ئی خاسیە ئافەرین گەورەیگ لەناو خەڵک مەغریب لەلی کریا، کە دەسمیەتی پیاوەیل ئاسایش و تیمەیل رزگارکردن و راگەیانکارەیل و خوەیبەخشەیل دا وە ئاسانی و زویوەزی پەیوەندی بکەن، وەتایبەت لە ناوچە سەختیەیل کە زەویلەرزە ویرانکەرەگە ویرانیان کرد، و ئەو ناوچەیلە کە تووڕ پەیوەندی خاسیگ نەیرن.
عەلی کراکبی پسپۆڕ مەغریب رەسیە شوین زەویلەرزەگە تا دەسمیەتی بەێد، پارچە ڤیدیۆیگ و بڕیگ وینە لەبان ماڵپەڕ خوەی لە فەیسبووک بڵاو کرد، کە لەناوی خەریکە ئەنتەرنێت پەتی واز کەێد.
