لە ماوەی سێ رووژ ٢٥٦ کووچبەر لە کناراوەیل مەغریب رزگار کریانە
2022-02-09T09:20:57+00:00
شەفەق نیوز/ وەگورەی سەرچەوە هەوالیەیل مەغریب بڵاو کردنە، لە ماوەی سێ رووژ، ٢٥٦ کووچبەر نایاسایی رزگار کریانە تواستنە لە دەریای ناوەڕاس و زەریای ئەتڵەسیی وەرەو ئەورووپا رەدبوون.
ئاژانس هەواڵیی فەرمی مەغریب وە پشت بەسین وە سەرچەوەیل سەربازیی بڵاوکردیە، ئەو کووچبەرەیلە لە رووژەیل ٥-٨ی شوبات وەلایەن تیمەیل ئاسایش کناراوەیل قورتار کریانە فرەیان لە وڵاتەیل باشوور بیاوان گەورەی ئەفریقا هاتنە.
وەگورەی هەواڵەگە لەنوان تێکڕای ئەو ٢٥٦ کووچبەرە، ٤١ ژن و پەنجیان مناڵ بۊن. وەرپرسەیل مەغریب باس لەوە کەن لە سەرەتای ساڵ ٢٠٢١ تا ئیسە، ریگری لە زیاتر لە ٤٢ هەزار کووچبەر کریایە و ١٥٦ تووڕ تاوانکاریش لەناودریانە ک لە مژارەیل کووچ نایاسایی کارکردنە.
