لەپشت ناڕەزایەتیەیل جەماوەری.. ئیران پولیس ئەخلاق بەسێد
شەفەق نیوز/ محمد جەعفەر مونتەزەری، بانگەشەکار گشتی ئیرانی، دووپات کرد ک پولیس ئەخلاق لە پشت ناڕەزایەتیەیل وڵاتەگە لە مردن مەهسا ئەمینی بەسیا.
وتیش: بەسیان پولیس ئەخلاق وە بڕیار ئەو لایەنە هات ک دامەزرانەی، نەگ وەلایەن دادوەری ئیران.
وتیش: پولیس ئەخلاق پەیوەندی وە دادوەری نەیرێد، و هەر لەو شوینەو بەسیا ک لەناوی دروس بوی، باوجی بیگومان دادوەری هەر چەودیاری رەفتارەیل ناو کۆمەڵگا کەێد، وەبی دیاریکردن ئەو لایەن فەرمیە ک لەبان بەسیانی وەرپرسە.
لەباوەت بەسیان پولیس ئەخلاق دیاری کرد ک ئیمە دویر خوەمان لە هووکارەیل سەرەکی لە رویداوەیل ئاژاوەی دویایین نیەخەیمن.
وتیش: ئی پەیمانە ئەرا گەل پیشکەش کەم، ک باوەتەیل سەرەکی نیەخەیمنە پشتگووش، و هوکارەیل ئاژاوەیل دویایین.
ئی بڕیارەیلە لە دووارە نووڕین دەسەڵاتەیل لە هووکارەیل ناڕەزایەتیەیل وەردەوام لە وڵاتەگە تیەێد، ک لە وەخت کوشتن ژینا ئەمینی لە ١٧ی ئەیلول گوزەشتە دەسوەپی کرد.
