لە دویای هۆڵەندا...زانایگ عراقی هوشداری لە زەویلەرزەیگ دەێد
2023-02-28T07:08:48+00:00
شەفەق نیوز/ زانایگ عراقی، ئمڕوو سێشەممە، هووشداری دا لە رویدان زەویلەرزەیگ لە رووژ 8 مارس ئایندە لە خوەرهەڵات ناوڕاستلەوەر لاوازی و مەترسیەیل پلێتەیل ئەنادۆڵ.
زانایگ جیولۆجی لە زانکۆی زانستی بەغدا، ساڵح محەمەد عەوەز لە چەوپیکەفتنیگ وەگەرد کەناڵ ئاسمانی مسڕی "بەلەد" وت، "لەبان بنەمای فیزیایی هاتێ زەویلەرزەیگ روی بەێد، مەزەنەکریەێد زەویلەرزەگە لە 8 مارس ئایندە بوود، باوجی زەردەگەی کەمترە لەوەگ تورکیا و سوریا،"وتیش" مەزەنەیل رویدان زەویلەرزە یان لەرزەیل لەبان بنەمای کۆمەڵیگ لە ئاماژەیل و ژمێریاری تێد، ک پشت وەپی بەسریەێد هووشداری دریەێد لە رویدان زەویلەرزە لە شوینیگ دیاریکریاگ"
ئاشکەرایکرد" پلێتەیل ئانادۆل لاوازە و رخبەرو بوینە، هەمیش لەرزەیل یەک لەدویا یەک تورکیا دەسکردیە وە بڵاوبوین"، وتیش"پلێتەگان رویوەروی زیاتر لە 200 لەرزە بویە، وتیش" هاتی لەرزەگەی ئەنادۆڵ وە خوەرهەڵات بڵاوەو بوود".
