بایدن وە یاوەری بلینکن وەرەو خوەرهەڵات ناوڕاس
شەفەق نیوز/ جۆ بایدن سەرۆک ئەمریکا لە واشینتۆن پایتەخت دەرچگ، و روی وەرەو خوەرهەڵات ناوڕاس کرد، وە سەردانیگ فەرمی، ئیسرائیل و فەلەستین وسعودیە گرێدەو.
نید برايس قسەکەر وەزارەت دەرەوەی ئەمریكا ئاشکرای ئامانجەیل ئی سەردانە کرد ک سەرۆک جۆ بایدن، لە رووژ چوارشەممە، ئەرا خوەرهەڵات ناوڕاس ئەنجامی دەێد.
برایس لە بەیاننامیگ وت: ئەنتونی بلینکن وەزیر دەرەوە کەفێدە یاوەری سەرۆک بایدن ئەرا ئیسرائیل وکناراو خوەرئاوایی و سعودیە، لە ١٣ تا ١٦ی تەمموز، ئەرا باسکردن وەگەرد هاوبەشەیلیگ ئیسرائیلی و فەلەستینی و خەلیجی وهەرێمی لە بڕیگ باوەت گرنگ، جویر قویلکردن پەیوەندیەیل ئەمریکا لە ناوچەگە، و ئاسایش هەرێمی ونواگردن هەڕەشەیل هاوبەش، جویر ئەو هەڕەشەیلە ک ئیران دروسیان کەێد.
برايس وتیش: دویای گردەوبوینەیلیگ لە قودس و بەیت لەحەم، سەرۆک بایدن و بلینکن وەردەوام بوون لە ئامادەبوین لوتکەی ئەنجومەن هاوکاری خەلیج، ئەوەیش وەگەرد میسر و عراق وئوردن ئەرا باسکردن لە تەقەلای تەواوبوین ئەرا پاڵپشتیکردن ئارامی وگەشەی هەرێمی، وەگەرد ئەو بەرژەوەنیەیل هاوبەش.
