لە دویای زەخمداربوین سەرۆک وەزیرەیل ژاپۆن خەوەر مردنی دریا

 شەفەق نیوز/ رادیۆ و تەلفزیۆنەیل ژاپۆن، ئمڕوو جومعە، مردن شینزۆ ئابی سەرۆک وەزیرەیل وەرین راگەیانن لە دویای زەخمداربوینی وە گولە لە شار نارا لە خوەرئاوای وڵاتەگە. 

ئمڕوو جومعە لەمەوقەی وتارداین  هەڵمەت هەڵوژاردنەیل ئابی کەفێدە وەر گولە و تویش زەخمداری سەختیگ بوود، و خێرایی ئەرا خەسخانە کلکریەێد. 

وەزیر وەرگیری ژاپۆن لە کۆنگرەیگ رووژنامەوانی راگەیان، خەوەردار کریام لەوەگ سەرۆک وەزیرەیل وەرین ئیرەنگە هالە ژیر نەشتەرگەری ئاڵشتکردن خوین تەقەلای قورتارکردن ژیان دریەێد، باوجی تەقەلایەیل قورتارکردن ژیان شینزۆ ئابی سەرکەفتی نەوی. 

‌وەرپرسیگ لە ئیدارەی ئاگرکپکردن ناوخوەیی ماکوتو موریموتو وت : ئابی تویش وسیان دڵ و سویە بویە لە دویای زەخمداربوینی و ئابی ئەرا خەسخانەی پارێزگاگە کلکریاس.