لە پەیامیگ جویر چەوچە.. مۆساد: ئمشەو لە تەهران نەخەفین

شەفەق نيوز/ لە وەردەوەردەیگ هیمایی وەگەرد بەرزەوبوین جەنگ ناوەین ئیران و ئیسرائیل، دویای نیمەی ئمشەو پەنجشەممە، مۆساد ئیسرائیلی، وینەیگ بڵاو کرد کە دروشم خوەی هەڵگروێد، لەناوڕاسی وەزوان فارسی نویسیاس: ئمشەو خەفتن لە تەهران قەیەغەس.

بڵاوکردن ئی پەیامە لەبان ماڵپەڕ مۆساد لەبان ئێکس وەگەرد زیایبوین پەلامارەیل ئاسمانی و تەقینەوەیل لە ناوچەیلیگ جیاجیا لە ئیران تیەێد، وەتایبەت لە تەهران پایتەخت.

لە رووژەیل گوزەشتە، ئیسرائیل گورزەیل ئاسمانی وەبان دامەزراوەیل و سەربازگە و شوینەیلیگ ئیرانی خەسەو کردر وەرانوەرییش ئیران پەلامارەیل مووشەکیی وەبان چەن ئامانجیگ لە تەل ئەبیب و حەیفا زیایەو کرد، وەگەرد رەسین ئی جەنگ بیوینە ناوەین هەردوگ لایەن ئەرا رووژ هەفتەمەی.