كوشيان و زەخمداری لە ئەنجام تەقینەوەیگ ناو مزگەفتیگ لە پاکستان

شەفەق نیوز/ دەسەڵاتەیل پاکستان، ئمڕوو جمعە، کوشیان و زەخمداری دەیان کەس لە ئەنجام تەقینەوەیگ راگەیانن کە مزگەفت حەقانیە لە باکوور خوەرئاوای وڵاتەگە کردە ئامانج.

پولیس پاکستان وتیش: تەپبنەو٣لە مەکتەویگ ئاسنی رویدا کە ناسیایە وە راهێنان خوەنەوارەیل ئەفغانی لە هەرێم خەیبەر بەختون خوا لە باکوور خوەرئاوای پاکستان، کە بویە هوکار کوشیان پەنج کەس و زەخمداری دەیان کەس ترەک، لەناویان مەڵا حەمید حەقانی وەڕیەوبەر ئەو مەکتەو ئاینیبە.

پولیس ئەرا ئاژانس فرانس پرێس وت: تەقینەوەگە لەناو مزگەفتەگە دویای نماز جمعە رویدا، وتیش: شمارەی قوربانیەیل هاتێ زیایەو بوود.

 هویچ لایەنیگ وەرپرسیارێتی خوەی لەو پەلامارە ئاشکرا نەکرد، و دەسەڵاتەیل پەرژین ئەمنی لەناوچەگە چەسپانن.

پاکستان کەفێدە وەر پەلامارەیل چەکدار و تەقینەوە لە هەرێم خەیبەر و بلوشستان لە شان ئەفغانستان.