کەفتن زەخمداری لە ئەنجام تەقەکردن لەناو مەکتەویگ لە ئەمریکا

شەفەق نيوز- وەشوینکەفتن 

رووژنامەی نیویۆرک پۆست، ئمڕوو یەکشەممە، خەوەردا کە چوار کەس لەلای کەمەو لە ئەنجام تەقەکردن لەناو ئاهەنگ گردەوبوین خوەنەوارەیل مەکتەویگ ناوەندی لە شار  چاتانوگا لە ویلایەت تينيسی زەخمدار بوینە، و پولیس مینەی تەقەکەرەگە کەێد.

جیف هیرمان یەکیگ لە وەچەودیەیل ئەرا کەناڵ خەوەری 3 لە چاتانوگا وت: لەناو ئەو ئاهەنگە گشتی خوەشی کردیاد، وەناکاوەو بویە تەقەکردنر مناڵ بویچگ و کوورپە و گشت چشتیگ کەفتە بان زەوی، کاریگ فرە گەن بوی.

تەقەکردنەگە لە نزیک ساعەت سێیەی ئاوارە وە وەخت وڵاتەگە بوی.

وەگورەی رووژنامەگە، قوربانیەیل ئەرا خەسەخانە بریان.

کەسەیلیگ لەناو ئەو ئاهەنگە ئەرا کەناڵەگە وتن: وەگەرد ژاوەژاو دویای تەقەکردنەگە لەو شوینە واینە.

تا ئیسە پولیس ئاشکرای مدووەیل ئەو رویداوە نەکردگە.