فڕۆکەیل ئەمریکی وەرپەرچ فڕۆکەیل بيفڕۆکەوان دەن لە نزیک بنکەیگ ئاسمانی بەریتانی
شەفەق نیوز - لەندەن
قسەکەر وەناو هێز ئاسمانی ئەمریکی وت، کە فڕۆکەوانەیل ئەمریکی لە بنکەی "راف لاكنهيث" سەر وە هێز ئاسمانی شاهانەی بەریتانی شەو جمعە، وەرپەرچ چالاکییگ ریوەپینەیریاگ دان کە گومان کریەێد ئەرا فڕۆکەیل
بیفڕۆکەوان بوود، وەبێ ئەوەگ هیچ لە تاکەیل یا فڕۆکەیل یا ژیرخانەگە کاریگەر بوون.
قسەکەرەگە وەپەی ئاژانس رۆیتەرز، وت کە هێز ئاسمانی ئەمریکی وەردەوامە لە کارکردن وەرد هاوتايەیلی لە بەریتانیا ئەرا مسۆگەرکردن بیوەیی سەربازییەیل و مەدەنییە ئەمریکییەیل و مەدەنییەیل لە وڵات میواندار و بەڵێندەرەیل و خیزانەیلیان.
لە لای خوەیەو، وەزارەت وەرگری بەریتانی وت کە ئەندامەیل ئاسایش سەر وە هێز ئاسمانی ئەمریکی وەڵام دانە ئەرا ئاگادارکردنەیل لەباوەت چالاکییگ ریوەپنەیریاگ ئەرا فڕۆکەیل بیفڕۆکەوان، و رۊداوەگە کۆتایی هاتیە.
قسەکەر وەناو وەزارەتەگە، لە بەیاننامەیگ لەڕی ئیمەیڵەو، وت کە وەزارەتەگە وەرد لایەن ئەمریکی کار کەێد ئەرا دەرخستن بارودۆخ رۊداوەگە، و لە وەخت گونجیاگ وەرەونواچگنەیل راگەیەنێد.
وڵاتەیل یەکگرتگ، لە ماوەی هەفتەیل گوزەشتە، بومبوەشنەیلیگ لە بەریتانیاو گواستیەسەو کە وەرجە یە وەکار هاتیە ئەرا جیوەجیکردن گورزەیل لەبان ئیران، و هەمیش فڕۆکەیل گەورە ئەرا پڕکردن سزەمەنی لە ئاسمان لە بەریتانیاو ئەرا ئەڵمانیا گواستیەسەو، و راپۆرتیگ هەواڵی دۊاتر ئی جۊلەیلە گلەو دا ئەرا رخبارییگ لە ئیرانەو.
و بنکەی "فێرفۆرد" ئاسمانی بەریتانی چووڵ کردن لەوەر هووکارەیل ئەمنی، دۊای ئەوەگ بڕیگ لە پیاوەیل لە ناوڕاس شەو 27 ئەیلول/ سێپتێمبەر لە بنکەگە نزیکەو بۊن وە ماشینەیل بارهەڵگر بۊچگ چەرمگ.
