غەززە.. پەلاماریگ ئاسمانی ئیسرائیلی خەسەخانەیگ کەێدە ئامانج و 6 کوشیای و 30 زەخمدار وەجی هیلێد
شەفەق نیوز- غەززە
شەش کەس کوشیان و 30 کەس تر زەخمدار بوین، شەوەکی ئمڕوو پەنجشەممە، لە ئەنجام پەلامار ئاسمانی ئیسرائیلی کە بینای نەشتەرگەری لە کۆمەڵگەی پزیشکی ناسر لە شار خان یونس باشوور کەرت غەززە کردە ئامانج، وەپای ئەوەگ کە وەزارەت تەندروستی لە کەرتەکە راگەیان.
وەزارەتەگە، لە بەیاننامەیگ وت، ئیدانەی ئامانجگردن بینای نەشتەرگەرییەیل کەێد، ک بویە مدوو کوشیان شەش کەس لە تیمەیل پزیشکی و بیمارەیل، و داوا لە کۆمەڵگەی ناودەوڵەتی کرد دەسوەجی دەسوەردان بکەێد ئەرا دابینکردن پاراستن ئەرا خەسەخانەیل و کارمەندەیل ناوی و بیمارەیلی.
پەیامنێرەیل لە شوین رویداوەگە دیاری کردن ک لە ناو کوشیایەیل سەرکردەی سەربازی لە بزووتنەوەی حەماس خالد ئەبو عەنزە، و پزیشکیگ و بیماریگ خاوەن پێداویستی تایبەت هەس، لە وەختیگ تیمەیل فریاکەفتن ناسنامەی پزیشکەگە ناسینەوە، ک رزق ئەبو شەعیرەیە لە بەش نەشتەرگەری گشتی.
لە وەختیگ سوپای ئیسرائیل وت: سەرکردەیگ دیار لە حەماس و چەکدارەیلیگ ک لە ناو خەسەخانەی ناسر لە خان یونس لە غەززە بوین کردەسە ئامانج.
ئی پەلامارە لە سا وەردەوامی ئۆپەراسیۆنەیل سەربازی ئیسرائیلی لە کەرت غەززە تێد، وەگەرد ڕرککەفتن ئاگربەس کە لە 10 تشرینی یەکەم 2025 کەفتە جیوەجیکردن، لەدویای دوو ساڵ لە جەنگ ويرانکەر.
