شازن ئیلیزابێت وەیەکجاری لە کۆشک بەکینگهام دەرچوود
شەفەق نیوز/ شاژن ئیلیزابێت دۊەم، ئمڕوو یەکشەممە، بڕیار دا کۆشک شاهانەی بەکینگهام ئەرا هەمیشە وەجی بیلێد و لە دۊای مردن شازادە فیلیپ شۊی بچوودە کۆشکیگ مێژوویی لە باشوور.
وەگورەی رووژنامەی "ًسەندەێ تایمز، "شاژنە 95 ساڵانەگە ماوەیەگ فرە کەرەنتین خوی کردیە لەوەر ڤایرۆس "کۆرۆنا" لە قەڵای " ویندسۆر" لە باشوور خوەرهەڵات ئینگلتەرا وەگەرد شازادە فیلیپ شۊیی تا مردنی لە نیسان پارەکە.
رووژنامەگە لەزوان سەرچەوەیل نزیک لە کۆشکەگە ئۊشێد: "ئەو دووانە ئەو دڵخوەشیە دوارەوکردن ک لە ساڵەیل سەرەتای خوەیان وەگەردیەک لەو ماوە گوزەران کردنە".
سەرچەوەیلە وتنە: شاژن دی گلەو نێخوەێد ئەرا کۆشک بەکینگهام لە لەندەن و لەو باوەڕەن ک لە مانگ ئادار 2020 یەک شەویش لەورە وەسەر نەوردیە. لە رووژنامەگە هاتییە: "
ئیسە دوارە کۆشکەگە خاسەو کەێد، کارەیلیان تا ساڵ 2027 درۊژە کیشێد و شایەت یە هووکاریگە ئەرا بڕیارەگەی".
