سوريا.. کوشیان 11 کەس لە ئەنجام رویوەڕویبوین لە سەحنایا
شەفەق نيوز/ میدیایل راگەیانن، ئمڕوو چوارشەممە، لە زوان سەرچەوەیگ لە حکومەت سوریا، خەوەردان لە کوشیان 11 کەس لە ئەنجام رویوەڕویبوین لە ناوچەی سەحنایا لە ریف دیمەشق.
سەرچەوەگە وتیە: هیزەیل ئەمنی کەفتنەسە شوین گرووپەیلیگ لە یاسادەرچگ، پەلامار تەیمانەیل ە ماشینەیل مەدەنی لە ناوچەی سەحنایا دانە.
دیاری کرد کە کەسەیلیگ لەیاسادەرچگ سێ ئەندام ئەمنی کوشتنە.
دووپاتیش کرد کە کەسەیلیگ لەیاسادەرچگ لە ناوچەی ئەشرەفیەی سەحنایا لە زەویەیل کشتوکاڵی بڵاو بوین، و تەقە لە ریوارەیل کردن.
وەگورەی سەرچەوەگە، ئەو گرووپەیل چەکدارە پەلامار ناکاوەی لەبان تەیمانەیل ئاسایش گشتی لە ئەشرەفیەی سەحنایا وە تفەنگ و ئار بی جی دانە، کە بویە هوکار زەخمداری شمارەیگ لە ئەندامەیل.
دیاری کرد کە ئاسایش گشتی لە گشت ناوچەگە بڵاو بوی ئەرا کۆنتڕۆڵکردن و ئارامکردن مەردم، وەلێ بەشیگ لەوانە لەبان بینایەیلەو دەستیری ئەندامەیل ئەمنی کردن، کە بویە هوکار کوشیان شمارەیگ لە ئەندامەیل ئەمنی.
وتیش: شەفەق ئمڕوو، هەمیش تەقە لە ماشینەیلیگ کردن کە لە درعا هاتوین، کە بویە هوکار کوشیان 3 کەس.
