سوريا.. پویچەڵکردن تەقەلای تەقانن کلیسایگ و دەسگیرکردن دوو کەس لە گرووپیگ لەیاسادەرچگ
شەفەق نيوز- دیمەشق
وەزارەت ناوخۆی سوریا، ئمڕوو چوارشەممە، پویچەڵکردن تەقەلای تەقانن کلیسایگ لە دەیشتایی تەرتووس راگەیان، و دەسگیرکردن دوو کەس لە گرووپیگ "لەیاسادەرچگ" دەسیان لەناو ئەو کارە بویە.
وەزارەتەگە لە بەیاننامەیگ رەسیە ئاژانس شەفەق نیوز وت: یەکەی ئەرکەیل تایبەت دوو کەس دەسگیرکردن هانە ناو گرووپیگ لەیاسادەرچگ، پەیوەندی وە چەتەیل رژیم لەناودریای دیرن، هەناێ تاوسانە کاریگ تیرۆری لەناو کلیسای مار ئیلیاس لە ناوچەی سافیتا لە دەیشتایی تەرتووس جیوەجی بکەن.
وەزارەتەگە دیاری کرد کە دەسگیرکردن ئەو کەسەیلە لەئەنجام وەشوینکەفتن ئەمنی هویردیگ هات، و دووپات لە وەردەوامی لێکۆڵینەوە کرد ئەرا گردن ئەندامەیل ئەو تووڕە، دووپاتیش کرد کە پەلاماردان پەرستگایەیل وە بەرزترین ئاست زبری نوایان کریەێد.
ئی گامە دویای نزیکەی یەک مانگ لە تەقیان کلیسای مار ئیلیاس هات لە گەڕەک دویلعە لە دیمەشق لە حوزەیران گوزەشتە، کە 25 لەناوی کوشیا وەگەرد زەخمداری دەیان کەس.
