سودان.. کوشیان 8 مەدەنی مناڵ ها ناویان وە ئاگر "پشتیوانی زویوەزوی"
شەفەق نیوز/ میدیایەیل سودان، ئمڕوو جمعە، راگەیانن و پەلاماردان ئەنجام توپواران و هەڵکوتانە وەبان ماڵە مەدەنییەیل خوەرئاوای ئومدەرمان لەلایەن هیزەیل پشتیوانی زویوەزوی، هەشت هاوڵاتی مەدەنی کوشیان کە سێ مناڵ هاناویان.
ماڵپەڕ سودان تریبیون بڵاو کرد کە خوەرئاوای ئومدەرمان لەلایەن فڕۆکەی بێفڕۆکەوان هیز پشتیوانی زویوەزوی پەلامار دریا و لەەوەر ئەوە سێ مناڵ کوشیان.
ئاشکرا کرد کە پێشێلکارییە وەردەوامەیل ناوچە دویرەیل خوەرئاوای ئومدەرمان وەگەرد ئەو پیشکەفت وەرچەوە تیەێد لەلایەن سوپای سودان ئەرا کۆنتڕۆڵکردن دویا شوینەیل هیزەیل پشتیوانی زویوەزوی لە ناوچەی نزیک ری نەتەوەیی ئومدەرمان- بارا، کە وەرەو شار کۆردۆفان چوود.
ماڵپەڕەگە لە زار ئەندامیک ژوور فریاکەفتن ئەمبادا بڵاو کرد کە لە پەلامارەیل هیزەیل پشتیوانی زویوەزوی وەبان "حەرات ٢٦ دار ئەلسەلام"، کە پێشێلکاری فراوان وەرانوەر خەڵک مەدەنی لە شارەگە و لە ناوچەی موەیلح، دویر لە خوەرئاوای ئومدەرمان ئەنجامدریانە، لەلای کەمەو پەنج هاوڵاتی مەدەنی کوشیانە.
ئی ناوچەیلە هیزەیل پشتیوانی زویوەزوی هانە ناوی، لە وەختیگ وڵاتەگە وەدەس قەیرانیگ مرۆیی ئاڵۆزەو ناڵێد لەوەر سەختی وەدەسکەفتن ئاو پاک نووشین و کەمی خوەراک و لەشکرکیشی وەرەو ماڵەیل لەلایەن چەکدارەیل.
هەر لەو چوارچیوە رووژنامەیگ خوەرئاوایی لە زار سەرچاوەیل وتنە کە فڕۆکەی بێفڕۆکەوان ئەمارەیل سزەمەنی لە شار کۆستی باشوور سودان کردنە ئامانج، رووژنامەگە دیاری کرد کە "میلیشیایەیل پشتیوانی زویوەزوی وە سێ فڕۆکەی بێفڕۆکەوان ئەمارەیل سزەمەنی لە کۆستی کردنە ئامانج و و ئاگر لەلییانەو هیزگرد".
