سوەیدای سوریا سوپای تایبەت خوەی دروس کەێد و مەرجەیل تیکەڵبوینی دانەێد
شفەق نيوز/ سایتیگ عەرەبی، ئاشکرا کرد کە گامەیل دروسکردن سوپای فەرمی لە سوەیدای سوریا دەسوەپی کرد، و دویای چەن رووژیگ ئاشکرا کریەێد.
سایت ئیرەم نيوز، لەزوان سەرچەوەیلی وت: ئی سوپا شایەت بخریەێدە بان وەزارەت وەرگری سوریا، ئەگەر رێککەفتن گشتگیر لە ئاست وڵاتەگە بوی، وتیش: یەکەمین مەرجەیل ئی رێککەفتنە نەوین هویچ دەسەڵاتیگ جیهادیە لە سوریا، و دامەزریان سوپایگ نیشتمانی نەک باوەڕی.
دیاری کرد کە ئی بڕیارە لە ئەنجام ئەو هەڕەشەیلە هات کە لەی دویاییە وەبان سوەیدا بوی، و هیمان ئەو هەڕەشەی لە هەن، وتیش: بڕوا و توانای کاریگەرییان کیرن هەرچەنیگ گەورە بوون.
وتیش؛ توومارکردن لەی سوپا وە تاکانە بوود، و هویچ باڵیگ چەکدار وەشیوەی ئیسەی توومار نیەکەێد، چوینکە ئامانج سەرەکی دامەزرانن ئی سوپاس ئەرا قورتابوین لە باڵە چەکدارەیل.
سەرچەوەیل سایتەگە دووپات کردن کە ئی سوپا وەتایبەت ئەرا پارێزگای سوەیدا کریەێد، و لە باوەت خەمەیل جێمانا و ئشرەفیە و سەحنایا و ئاوایەیل جەبەل شێخ، وەشیوەیگ جیاواز مینن، جاری زویە ئەرا باسکردنی، وەلێ رێککەفێد وەرد رەوش جوگرافی و ناوخوەییان.
جی باسە کە سوەیدا تویش چەن پەلاماریگ هات وەلایەن باڵەیل چەکدار لە ماوەی دویایین، کە بویە هوکار کوشیان شمارەیگ لە هەردوگ لایەن، تا دویای رێککەفتن وەرد حکومەت دیمەشق لەبان تیکەڵکردن هیزەیلیگ لە سوەیدا تا ئاسایش شارەگە وەڕیەو بوەێد، و بخریەێدە بان ئاسایش گشتی سوریا.
