سلێمانی هووکارەیل قەیران گاز و بەنزین دیاری کەێد
شەفەق نیوز/ سەرۆک ئەنجومەن پارێزگار سلێمانی ئازاد محەمەد ئەمین، ئمڕوو دوشەممە، هووکار کەمی گاز ماڵی لە سلێمانی گلەودا ئەرا هاتن وەرز زمسان و فرەیی وەکار هاوردنی.
ئەمین وە ئاژانس شەفەق نیوز وت: پشک سلێمانی 12 بارهەڵگر گازە و هەر بارهەڵگریگ 20 تەنە، بەشەوکرێد وە لایەن بڕیکارەیل ریگەوەپی دریای لە پارێزگاگە، ئاشکەراس وەگەرد هاتن وەرز زمسان فرەی وەکارهاوردن گاز لە ئامێرەیل گەرمکەر هووکاریگە ئەرا کەمبۊینی لە بازاڕەیل و بەرزەوبۊین نرخی، سەرەرای و پشک دیاریکریاگەی پارێزگاگە ئاڵشت نەوییە.
لەباوەت گرانی نرخ بەنزین لە سلێمانی ئەمین وت، بەنزین کەفێدە ژیر نرخ بازاڕ و جاروباریش کەفێدە ژیر کاریگەری نرخ بازاڕ جەهانی ک سلێمانی بەنزین لە ئیرانەو هاوردە کەێد و نرخ بەنزین هەناردەکریای ئیران بەرزەوبۊیە لەوەر بەرزەوبۊین نرخ نەفت جەهانی.
ئەمین باس لە کەمی بەش دیاری کریای بەنزین هەناردە کریای ئەرا پارێزگاگە کرد وە لایەن حکومەت فیدراڵ.
سلێمانی بەرزەوبۊین ئاشکەرایگ دییە خوەی لە نرخەیل سوتەمەنی و گاز وەتایبەت وەگەرد هاتن وەرز زمسان و داوەزین پلەی گەرمی.
