ئیسرائیل کوشتن فەرماندەیگ لە فەیلەق قودس ئیرانی راگەینێد
شەفەق نيوز/ ئەفیخای ئەدرعی قسەکەر سوپای ئیسرائیل، ئمڕوو شەممە، کوشتن "بەهنام شەهرياری" فەرمانگەی یەکەی ئامارەزەیل جەنگی (یەکەی 190) لە فەیلەق قودس لە سوپای پاسداران ئیران راگەیان.
ئەدرعی لەبان ئێکس نویسان کە کوشتن شەهریاری مەوقەی گەردینی لە ناوچەیگ خوەرئاوای ئیران هات، وەدویری زیاتر لە 1000 کیلومەتر لە ئیسرائيلەو.
ئەدرعی دووپات کرد کە پەلامارەگە وەلایەن فرۆکەیل ئیسرائیل جیوەجیی کریار لە بنەمای رینماییەیل هەواڵگری لە دەزگای هەواڵگری سەربازی لە ساعەتەیل گوزەشتە، کە بویە مدوو کوشیان شەهریاری لەناو ماشینەگەی.
وەقسەی ئەدرعی، شەهریاری وەرپرس بردن گشت ئامرازەیل جەنگ بویە ئەرا خوەرھەڵات ناوڕاس، و لە ماوەی ساڵەیلیگ کار ئەرا چەکدارکردن حزبولڵا و حەماس و حووسیەیل کردگە.
وتیش: شەهریاری کار ئەرا هەواڵەکردن سەدان ملیۆن دۆلار ساڵانە ئەرا باڵەیل چەکدار وە تووڕیگ لە پەیوەندییەیل تایبەت لە تورکیا و لوبنان، وەڕی کۆمپانیایلیگ درووکانی و نویسنگەیل دراو و کەسەیلیگ پویل تیەرن و بەن.
