ئیسرائیل ئاگاداری دەێد ئەرا چووڵکردن فرۆکەخانەیگ لە یەمەن
شەفەق نيوز/ سوپای ئیسرائیل، ئمڕوو سێشەممە، ئاگاداری زویوەزوی و بیوینە دا وە گشت ئەو مەیلە لە دەورگرد فرۆکەخانەی ناودەوڵەتی سەنعا، و داوای چووڵکردن ناوچەگە وەکوتپڕ دا.
ئەوەیش لە بەیاننامەیگ لەلایەن سوپای ئیسرائیل کە وت: هوشداری زویوەزوی دەیمن ئەرا ئەوانەگ لە ناوچەی فرۆکەخانەی ناودەوڵەتی سەنعا هەن، و داوای چووڵکردن دەسوەجی کەیمن، و ئاگاداری ئەرا ئەوانەگ لە شانیان لە مەنین لەی ناوچە، دیاری کرد کە وەردەوامی بویین لەورا ژیانیان خەێدە رخداری راستەخۆ.
ئی ئاگادارکردنە لە دویای پەلامارەیلیگ ئاسمانی ئیسرائیلی خەسیگ تیەێد، کە دویەکە دووشەممە پەلامار چەن شوینیگ دا لەناو یەمەن، و وە سەرپەرشتیاریی بنیامین نتنیاهو سەرۆک وەزیرەیل بوی، ئەوەیش لە وەڵامدانیگ لەبان پەلاماریگ مووشەکی وەلایەن حووسیەیل لەبان فرۆکەخانەی ناودەوڵەتی بن گوریۆن نزیک تەل ئەبیب.
وەگورەی مەزەنەیل ئیسرائیل، حووسیەیل مووشەک نوویگ گەشەوەپیکریاگ وەکار هاوردنە، کە مەزەنە کریەێد لە مارکەی "قاسم بەسیر" بوود، وە تونی بەرزیگ و توانای خوەیشاردن لە سیستەم رادار دیرێد، کە هیشت لە وەرگری ئاسمانی ئیسرائیل رەد بوود.
