سیناتۆر ئەمریکی ناودیاریگ: وەی نزیکە دووارە داگیر ئەفغانستان کەیمن
شەفەق نیوز/ سیناتۆر کۆماری ناودیار لیندسی گڕاهام وت: ئەوەسا ئەمریکا جاریگ تر داگیر ئەفغانستان کەێد، لەکاتی کردوەگەی وەرینی لە عراق و سوریا، چوینکە دەسناین تاڵیبان لەبانی ئەوەسا کەێدەی پەنای ئارامیگ ئەرا توندڕەوەیل ئیسلامی.
لە چەوپیکەفتنیگ وەگەرد دەزگای ئیزگەی بەریتانی «بی بی سی» گراهام وت: تاڵیبان ئەوەسا پەتای ئارامیگ دەێدە قاعیدە کەتەنا وە دراوردنمان لە خوەرهەڵات ناوڕاس دیرێد، و تەمای پەلامارمان دیرێد لەوەر شیوەی ژیانمان، ئەوەسا دووارە ئەرا ئەفغانستان گلەوخوەیمن هەکاتی عراق و سوریا..
هەنای پێشکەشکار بەڕنامە بەریتانیەگە زوور لە پرسیارەگەی کرد ک ئایا ئەگەر وەڕاسی بڕوا دیرێد ک ئەمریکا دووارە سەربازیەیلی وەی نزیکە وەرەو ئەفغانستان گلەو دەێد؟، گڕاهام وت: بایەتە ئەوە بکەیمن، چوینکە رخەگە گبەو بوود.
سیناتۆرەگە وتیش؛ ئەڕا چە وەرەو سوریا و عراق گلەو خواردیمن؟ ئەڕا چە ئمڕوو ٥ هەزار سەرباز لە عراق دیریمن؟ بەرزەوبوین رژیم خەلافەت و گردەوکردن هێزەیل لە دەیشت عراق ئەمریکیەیلە کوشت، چوینکە فەڕەنسیەیلە کوشت و پەلامار بەریتانیەیلە دا.
