زاڕوویگ چوودە خۊنی ٩ کەس لە ئەمریکا

شەفەق نیوز/ رۊداو لەیەکدان دوو ماشین لە ویلایەت تەکساس ئەمریکا، بۊیە هووکار کوشیان نۆ کەس و زەخمداری دووان، وەگورەی راپۆرتیگ لەلایەن تووڕ "سی ئێن ئێن ".   

تووڕەگە وت: مناڵیگ لەتەمەن ١٣ ساڵان ماشینیگ "پیک ئاپ" رانیە،  و شەش بازیگەر گۆڵڤ لە زانکۆی ساوت ویست وەگەرس ئەو کەسەیل مردگە بۊن.  

تووڕەگە لەزوان وەرپرسیگ لە ئەنجومەن سەڵامەتی گواستنەوەی نیشتمانی وت: کوڕەگە لەتمەن ١٣ ساڵان بۊیە،  ئەوەیش وەگەرد کەسیگ گەورە لەناو ماشینەگە کوشیان.     

وتیش: وە قەوارەی روفاتەگە زانستن ک مناڵیگە، و زانیاریە سەرەتاییەیلە باس زەرەدیگ کەن رەسیەسە پاچگ نوای ماشین پیکاپەگە ک مناڵەگە رانیەسەی، ک هیشتیە ماشینەگە لەدەس دەرچوود، و وەرەو چەپ لابەێد، تا بەێد لەماشینیگ وەرانوەری.