زەویلەرزە وە گوڕ ٦ پلە دەێد لە وڵاتیگ ئاسیایی
2023-11-02T06:10:53+00:00
شەفەق نیوز/ ئمڕوو پەنجشەممە، روانگەی زەویلەرزەی ئەمریکی راگەیان، زەویلەرزەیگ وەتونی ٦.١ پلە لەبان پەیمانەی رێختەر لە دوورگەی تیمۆر کە کەفێدە خوەرهەڵات ئەندەنوسیا توومار کریا.
روانگەگە وتیش: ناوەند زەویلەرزەگڵ لە خوەرئاوای دوورگەگە، لە نزیک شار کوپانگ، وە قویلی 36 کم بویە.
لای خوەییش دەزگای زەویلەرزەی ئەندەنوسیا راگەیان: "تونی زەویلەرزەگە رەسیە 6.6 پلە".
ئی زەویلەرزە لەلایەن دانیشتگەیل شار کوپانگ کە کەفێدە خوەرئاوای دوورگەگە وە تونی هەس وەپی کریایە.
تیمۆر دورگەیەگە بەشەو بویەسە ناوەین نیمەی خوەرئاوا کە بەشیگە لە خاک ئەندەنوسیا، وەگەرد نیمیگ خوەرهەڵات کە تیمۆر خوەرهەڵات سەروەخوەیە و دەوڵەتیگ سەروەرە.
